Kindle Fire Coupon Kindle Fire Coupon 2012 Kindle DX Coupon 2012 Kindle Fire 2 Coupon Amazon Coupon Codes 2012 Kindle DX Coupon PlayStation Vita Coupon kindle touch coupon amazon coupon code kindle dx coupon kindle touch discount coupon kindle touch coupon 2012 logitech g27 coupon 2012 amazon discount codes
0

មេ​សាខាគយ​ខេត្តតាកែវ​កាន់តែ​ធុំក្លិន​បព្រ្ចាស់ខ្យល់

ខេត្តតាកែវ ៖ ប្រភព​ព័ត៌មាន​ពី​ក្រុម​ឈ្មួញ និង​អាជីវករ​មួយចំនួន​ដែល​រង​ការគាបសង្កត់​កាន់តែ​ខ្លាំង​ពី​ក្រុម​គយ​ចល័ត​បានឱ្យ ដឹងថា ទោះ​បី​ពួក​គាត់​នាំចូល​ទំនិញ​ស្របច្បាប់​បង់ពន្ធ​គយ​នៅ​ច្រកព្រំដែន​រួចហើយ​ក៏​ដោយ​ក៏​ចៀស​មិន​ផុត​ពី​ត្រូវ​បង់លុយ​ឱ្យ ក្រុម​គយ​ចល័ត​របស់លោក លាង ម៉ុង នោះដែរ ដែល​ជាហេតុ​ធ្វើឱ្យ​ពួកគាត់​រកស៊ី​ស្ទើរ​គ្មាន​សល់​ផលចំណេញ ។

ប្រភព​ព័ត៌មាន​បន្ត​ឱ្យដឹងទៀតថា ក្រុម​ឈ្មួញ និង​អាជីវករ​ដែល​នាំចូល​ទំនិញ​ពី​ប្រទេស​វៀតណាម​តាម​ច្រក​ភ្នំ​ដិន និង​ច្រករបៀង​ជាច្រើន​ទៀត​បាន​ឱ្យដឹងថា មួយ​រយៈ​ចុង​ក្រោយ​នេះ ក្រុម​គយ​ចល័ត​របស់លោក លាង ម៉ុង ប្រព្រឹត្ត​អំពើ​ពុក រលួយ​កាន់តែខ្លាំង​ជាង​មុន​ទៅទៀត ពោលគឺ​រាល់​ការបង់​លុយ​របស់​ឈ្មួញ និង​អាជីវករ ដែល​ដឹក​ជញ្ជូន​ទំនិញ​ឆ្លងកាត់​ផ្លូវជាតិ លេខ ២ គឺ​មិន​ទទួលបាន​បង្កាប់ដៃ ឬ​វិក្កយបត្រ​ត្រឹមត្រូវ​នោះ​ឡើយ ។​

បើ​តាម​សេចក្តីរាយការណ៍​ពី​ភ្នាក់ងារ​គយ​នៅ​ខេត្ត​តាកែវ​មួយចំនួន​បាន​ឱ្យដឹងថា លោក លាង ម៉ុង មេ​គយ​ចល័ត​ខេត្ត តាកែវ ក៏ដូចជា លោក កែវ វណ្ណី ប្រធាន​សាខាគយ​ខេត្តតាកែវ បាន​ឃុបឃិត​គ្នា​គាបសង្កត់​យ៉ាងខ្លាំង​ទៅលើ​ឈ្មួញុ និង​អាជីវករ​តូចតាច​ដែល​នាំចូល​ទំនិញ​ពី​ប្រទេស​វៀតណាម​ដឹកជញ្ជូន​ឆ្លងកាត់​ផ្លូវជាតិ​លេខ ២ ប៉ុន្តែ​លោក លាង ម៉ុង និង​លោក កែវ វណ្ណី បែរ​ជា​បើកដៃ​ឱ្យ​ឈ្មួញ​ធំៗ​ដឹកជញ្ជូន​ទំនិញ​គេច​ពន្ធ ទំនិញ​បង់ពន្ធ​មិន​គ្រប់ និង​ទំនិញ​ខុសច្បាប់​ឆ្លងកាត់​ខេត្ត​តាកែវ​យ៉ាង​ពេញបន្ទុក ដើម្បី​ប្រមូល​លុយ​ចែក​គ្នា​ធ្វើ​មាន​ធ្វើ​បាន​លើ​គំនរ​ញើស​ឈាម​អ្នករកស៊ី ដែល​លោក កែវ វណ្ណី ប្រធាន​សាខាគយ​ខេត្តតាកែវ ដែល​មាន​ខ្នងបង្អែក​រឹងមាំ និង​បក្ខពួក​កំពុង​ប្រើ​អំណាច​ប្រព្រឹត្ត​អំពើ​ពុករលួយ​យ៉ាង​ពេញបន្ទុក​។ ទំនិញ​ទាំងនោះ មានដូចជា គ្រឿងសំណង់​ជាច្រើន​ប្រភេទ ទំនិញ​ចាប់ហួយ ព្រមទាំង​ប្រេងសាំង​ជាដើម ធ្វើ​ឱ្យ​រដ្ឋ​ត្រូវ​ខាតបង់​ចំណូល​ពន្ធ​យ៉ាងច្រើន​ក្នុង​មួយខែៗ ។​

ជាក់ស្តែង​មន្ត្រី​គយ​ចល័ត​ខេត្តតាកែវ បង្កើត​ក្រុង​ត្រូល​ជជុះ ២​កន្លែង ដើម្បី​គាប​យកលុយ​ពី​ឈ្មួញ អាជីវករ និង​ពលរដ្ឋ​ដែល​នាំចូល​ទំនិញ​ពី​ប្រទេស​វៀតណាម​ឆ្លងកាត់​ផ្លូវជាតិ​លេខ ២ ក្នុង​ខេត្ត​តាកែវ ។​
​ពាក់ព័ន្ធ​នឹង​បញ្ហា​ខាងលើ​នេះ សារព័ត៌មាន​យើង​ពុំ​អាច​សុំ​ការបំភ្លឺ​ពី​លោក លាង ម៉ុង និង​លោក កែវ វណ្ណី បាន​នៅឡើយ​នោះទេ ? ៕

ap_kn_lv

koev vanny

 

Filed in: តាកែវ, ព័ត៌មានជាតិ, ព័ត៌មានតាមដានសង្គមសំខាន់ៗ, ព័ត៌មានតាមបណ្តា​ខេត្ត-ក្រុង, ព័ត៌មានថ្មី, ព័ត៌មាន​ខ្សឹបខ្សៀវ

Recent Posts

Bookmark and Promote!