Kindle Fire Coupon Kindle Fire Coupon 2012 Kindle DX Coupon 2012 Kindle Fire 2 Coupon Amazon Coupon Codes 2012 Kindle DX Coupon PlayStation Vita Coupon kindle touch coupon amazon coupon code kindle dx coupon kindle touch discount coupon kindle touch coupon 2012 logitech g27 coupon 2012 amazon discount codes
0

ល្បី​ទៀត​ហើយនៅ​ខេត្ត​មណ្ឌលគិរី​ ឈ្មោះ ម៉ាប់ នឹងឈ្មោះ ម៉ៅ ហៅ ក្របី ដឹកជញ្ជូន​ឈើ​ប្រណីត​ចូល​ប្រទេស​វៀតណាម​យ៉ាង​ពេញបន្ទុក​ អាជ្ញាធរ​និង​សមត្ថកិច្ច​ពាក់ព័ន្ធ​មិន​ហ៊ាន​បង្ក្រាប​

ខេត្ត​មណ្ឌលគិរី ៖ ​តាម​សេចក្ដីរាយការណ៍​ពី​ប្រជាពលរដ្ឋ​បានឲ្យដឹងថា មួយរយៈ​ដើម​ខែ​ឧសភា ឆ្នាំ​២០១៨​នេះ ឈ្មួញ​ឈើ​ឈ្មោះ ម៉ៅ ហៅ ក្របី នឹងឈ្មោះម៉ាប់ ធ្វើ​សកម្មភាព​ដឹកជញ្ជូន​ឈើ​ប្រណីត​​យ៉ាង​ពេញបន្ទុក​ដោយ​ពុំ​មាន​មន្ត្រី​ជំនាញ ឬ​សមត្ថកិច្ច​ប្រចាំ​ច្រក​នេះ​ចាត់វិធាន​ការ​ទប់ស្កាត់ និង​បង្ក្រាប​ម្តងណា​ឡើយ​។

សម្តេច​នាយករដ្ឋមន្ត្រី​ហ៊ុន សែន ទំនង​មិន​បាន​ជ្រាប​ច្បាស់​អំពី​សកម្មភាព​ប្រព្រឹត្ត​បទល្មើស​ព្រៃឈើ់​ ដែល​កំពុងតែ​ធ្វើ​សកម្មភាព​សម្រុក​ដឹកជញ្ជូន​ឈើ​ប្រណីត​ឆ្លងដែន​ដោយ​ខុសច្បាប់​យកទៅលក់​នៅ​ប្រទេស​វៀតណាម​តាម​ច្រកទ្វារ​ទ្វេភាគី​អន្តរជាតិ​ដាក់​ដាំ​ខេត្តមណ្ឌលគិរី​យ៉ាង​អនាធិបតេយ្យ​ជាទី​បំផុត​ដោយ​អាជ្ញាធរ​និង​សមត្ថកិច្ច​ពាក់ព័ន្ធ​មិន​ហ៊ាន​ប៉ះពាល់​ជាមួយ​និង​មេ​ឈ្មួញ​​នោះទេ​? ។​

​ក្រុម​សកម្មជន​ការពារ​ព្រៃឈើ​នៅក្នុង​ខេត្ត​មណ្ឌលគិរី បាន​បង្ហើប​ឲ្យដឹងថា ក្បួន​រថយន្ត​ដឹក​ឈើប្រណិត របស់​មេ​ឈ្មួញ​ជា​ទូទៅ​គឺ​តែងតែធ្វើ​សកម្មភាព​លួច​ដឹក​ឆ្លងដែន​ទៅ​លក់​នៅ​ប្រទេស​វៀតណាម នៅពេល​យប់​តាម​ច្រក​ទ្វេរ​ភាគី​ខាង​លើ​និង​ច្រក​ប្រាំពីរ យ៉ាង​អនាធិបតេយ្យ​ជាទីបំផុត ដោយ​ក្បួន​រថយន្ត​ដឹកឈើ​ប្រណីត​របស់​មេ​ឈ្មួញប្រៀប​បី​ដូចជា​រថយន្ត​ដឹក​បុណ្យកឋិន​អ៊ីចឹង​? ក្នុង​នោះ​អាជ្ញាធរ និង​សមត្ថកិច្ច​ពាក់ព័ន្ធ​នៅក្នុង​ខេត្ត​មណ្ឌលគិរី​មិន​ហ៊ាន​ក្អក​ជាមួយនិង​មេ​ឈ្មួញនោះទេ​?​។​

​​ទោះបីជា​សម្តេច ហ៊ុន សែន បាន​ព្រមាន​យ៉ាងណាក៏ដោយ​ក៏​ឈ្មោះ ម៉ាប់  បែរ​ជា​កំពុងតែ​ល្បីល្បាញ​ទៀតហើយ​ក្នុង​សកម្មភាព​ប្រព្រឹត្ត​បទល្មើស​ព្រៃឈើ​ដែល​ប្រឆាំង​នឹង​បទបញ្ជា​សម្តេចនាយក​រដ្ឋមន្ត្រី​ហ៊ុ​សែន ដោយ​ខណៈ​ពេល​នេះ កំពុងដឹកជញ្ជូន​ឈើ​ឆ្លងដែន​ដោយ​ខុសច្បាប់​យកទៅលក់​នៅ​ប្រទេស​វៀតណាម តាម​ច្រក​ដាក់​ដាំ​ខេត្ត​មណ្ឌលគិរី ដែលមាន​សកម្មភាព​យ៉ាង​គគ្រឹកគគ្រេង​ដូច​ហែរ​កឋិន​ចេញ​ជា​រៀងរាល់​យប់ ដែល​ដឹក​តាម​រថយន្ត​សាំ​យ៉ុង​ជាច្រើន​គ្រឿង​ដោយ​គ្មាន​ស្ថាប័ន​សម្ថ​កិច្ច​ណា​ហ៊ាន​ចាប់​បង្ក្រាប​នោះ​ឡើយ​? ។

មិនតែប៉ុណ្ណោះ លោក ម៉ាប់ ដែល​ចេញ​មុខ​កាង​ឈើ​​ គឺ​តែងតែ​ប្រើ​សម្តី​ខ្លាំងៗ​គំរាម​ដាក់​សមត្ថកិច្ច​ឬ​ស្ថាប័ន​ខាង​ណា​មួយ​ដែល​ចង់​មក​សួរនាំ​និង​រារាំង​ក្បួន​រថយន្ត​ឡង់​គ្រីស័រ​០០៧ និង​តូ​រី​ស ដែល​ដឹកឈើ​បន្តកន្ទុយ​គ្នា ។ សូមបញ្ជាក់​ថា បន្ទាប់ពី​មាន​ករណី​បាញ់ប្រហារ​បណ្តាលឲ្យ​ស្លាប់​មនុស្ស​បីនាក់ កាលពីពេល​កន្លង​ទៅនេះ​រួចមក ឈ្មោះ ម៉ាប់  កំពុង​ជិះសេះ​លែងដៃ​មិន​ខ្វល់ខ្វាយ ពី​មន្ត្រី​ជំនាញ​ណា​ហ៊ាន​ចូល​ទៅ​តំបន់​នោះ​ទៀត​ទេ ទើប​ក្រុម​រថយន្ត​ដឹក​ឈើ​របស់​លោក ម៉ាប់ បាន​ដំណើរការ​យ៉ាង​រលូន​ជាមួយ​សមត្ថកិច្ច​គ្រប់​ផ្នែក​ទាំងអស់ ដែល​ប្រចាំការ​នៅ​ច្រក​ដាក់​ដាំ​នេះ​ផង​ដែរ ។​

​តាម​សេចក្តីរាយការណ៍​ឲ្យដឹងថា​ជំនួញ​ឈើ​ប្រណីតដឹក​តាមរថយ​ន្ត​សាំ​យ៉ុង​ជាច្រើន​គ្រឿង​ទាំង​យប់​បែប​នេះ​បាន​កំរើក​ឡើង​វិញ​ហើយ​តាម​ច្រកទ្វារ ទ្វេភាគី​អន្តរជាតិ ដាក់​ដាំ​ដែល​គ្មាន​មន្ត្រី​ជំនាញ​និង​ស្នាក់ការ​ច្រកទ្វារ​អើពើ​បន្តិច​សោះឡើយ​? ។ ថ្មី​នេះ គេ​បាន​ប្រទះ​ឃើញ​មាន​រថយន្ត​សាំ​យ៉ុង​និង​ឡង់​គ្រី​ស័រប្រមាណ​ចំនួន​ជាង​៦០​គ្រឿង​កំពុងតែ​ចរាចរ​លើ​ផ្លូវជាតិ​ឆ្ពោះទៅ​កាន់​ច្រក​ទ្វារ​ទ្វេភាគី​អន្តរជាតិ​ដាក់​ដាំ​និង​ច្រក​ប្រាំពីរ ។​

​ប្រភព​ព័ត៌មាន​បាន​បង្ហើប​ប្រាប់​ឲ្យដឹង​ទៀតថា ឡាន​សាំ​យ៉ុង​និង​ឡង់​គ្រីស័រ​ទាំងនេះ​ដឹកឈើ​ស្ទើ​រតែរាល់ថ្ងៃ​ហើយ​ចេញ​ម្តងៗ​មាន​ចំនួន​ជាង​៦០​គ្រឿង​ដឹក​យ៉ាង​រលូន​គ្មាន​អាជ្ញាធរ​មូលដ្ឋាន​ឬ​ជំនាញ​ពាក់ព័ន្ធ​ជាពិសេស​ប្រធាន​ច្រកទ្វារ​អន្តរជាតិ​ដាក់​ដាំ និង ប្រធាន​សាខាគយ និង​រដ្ឋាករ​ខេត្ត​មណ្ឌលគិរី​កំពុងតែ​បិទ​ភ្នែក​ប្រមូល​លុយ​ពី​បទល្មើស​ដាក់​ហោប៉ៅ​ផ្ទាល់ខ្លួន​យ៉ាង​រំភើយ​។​

​ប្រភព​ដដែល​នោះ បាន​ខ្សឹប​ប្រាប់​ថា ម្ចាស់​រថយន្ត​ឡង់​គ្រីស័រ​ជាច្រើន​គ្រឿង​នេះ​ត្រូវបាន​គេ​ស្គាល់​ឈ្មោះ​ថា​ជា​របស់​លោក​ម៉ាប់​ជា​មេការ​ដែល​កំពុងតែ​រត់​ការ​ជាមួយ​ស្ថាប័ន​ពាក់ព័ន្ធ​នៅក្នុង​ខេត្ត​មណ្ឌល​គី​រី ដើម្បី​ធ្វើ​ការដោះ​ស្រាយ​គ្នា​ស្ងាត់ៗ​ស៊ី​តាម​ជំនាញ​ដែល​ហាក់ដូចជា​មាន​ភាពអនាធិបតេយ្យ​ជាទី​បំផុត​អាច​បង្ក​អសន្តិសុខ​ក្នុងសង្គម​ជាក់​ជា​មិនខានឡើយ​។​

​ប្រជាពលរដ្ឋ​បាន​សំណូមពរ​ដល់​លោកស្នងការ​នគរបាល​ខេត្ត​មណ្ឌលគិរី​និង​ជាពិសេស លោក ស្វាយ សំ​អ៊ាង អភិបាល​នៃ​គណៈ​អភិបាលខេត្ត មណ្ឌល​គី​រី​គួរ​មាន​វិធានការ​ឲ្យបាន​ឆាប់​កាន់តែ​ប្រសើរ ពីព្រោះ​ចៀសវាង​ការរិះគន់​ពី​មហាជន សង្គម​ស៊ីវិល ជា​ពិសេស​ប្រជាពលរដ្ឋ​នៅ​ខេត្ត មណ្ឌលគិរី​នេះ តែម្តង ។​

​ទោះជា​យ៉ាងណា​ក៏ដោយ ពាក់ព័ន្ធ​និង​ជុំវិញ​ករណី​ខាងលើ​នេះ អង្គភាព​យើង​បាន​ទាក់ទងទៅ​ឈ្មោះ ម៉ាប់ ដែរ តែ​លោក​មិន​ឆ្លើយតប ។ ចំណែក​លោក ស្វាយ សំ​អ៊ាង អភិបាល​នៃ​គណៈ​អភិបាលខេត្ត​មណ្ឌល​គី​រី​ក៏​មិន​ឆ្លើយតប​ដែរ ។ តែ​អង្គភាព​យើង​រង់ចាំ​បកស្រាយ​ស្តីពី​ច្បាប់​ព័ត៌មាន​រាល់​ម៉ោង​ធើ្វ​ការ ។

​គេហទំព័រ មិនអាច​ទាក់ទង​សុំ​ការបំភ្លឺ​ពី លោក យូ សុធា នាយ​ប៉ុស្តិ៍​នគរបាល​ច្រកទ្វារ​ព្រំដែន​ដាក់​ដាំ និង​លោក ម៉ៅ ហៅ ក្របី បាន​ទេ​នៅ​ថ្ងៃនេះ​។ ​គេហទំព័រ រង់ចាំ​ការបកស្រាយ​ពី លោក យូ សុធា និង លោកម៉ាប់ លោក ម៉ៅ ហៅ ក្របី រៀង​រាល់​ម៉ោង​ធ្វើការ​៕​

s180519c1

woodmun01 s180519c2

Filed in: ខេត្តមណ្ឌលគីរី, ព័ត៌មានជាតិ, ព័ត៌មានតាមដានសង្គមសំខាន់ៗ, ព័ត៌មានតាមបណ្តា​ខេត្ត-ក្រុង, ព័ត៌មានថ្មី, ព័ត៌មាន​ខ្សឹបខ្សៀវ

Recent Posts

Bookmark and Promote!