Kindle Fire Coupon Kindle Fire Coupon 2012 Kindle DX Coupon 2012 Kindle Fire 2 Coupon Amazon Coupon Codes 2012 Kindle DX Coupon PlayStation Vita Coupon kindle touch coupon amazon coupon code kindle dx coupon kindle touch discount coupon kindle touch coupon 2012 logitech g27 coupon 2012 amazon discount codes
0

លោក ងួន កុសល ប្រធាន​ការិ​យាល័យ​គយ​ច្រក​ទ្វារ​អន្តរជាតិប៉ោយ​ប៉ែត កំពុង​ប្រើ​តួនាទី​ប្រព្រឹត្តអំពើពុករលួយយ៉ាងសុខ​ស្រួល

ខេត្តបន្ទាយមានជ័យ, បើ​តាម​ប្រភព​ពីមន្ត្រីគយ​នៅ​ខេត្ត​បន្ទាយ​មានជ័យមួយ​ចំនួន​បាន​បង្ហើប​​ឲ្យ​ដឹង​ថា ក្រោយ​ពេល​​​ទទួល​បាន​តំណែង​ជា​ប្រធាន​ការិយាល័យ​គយ​​ច្រកទ្វារ​​អន្តរជាតិ​​ប៉ោយ​ប៉ែត កាលពី​ថ្ងៃទី ​២១ ខែ​មករា ឆ្នាំ​២០១៩ គឺ ​លោក ងួន កុសល ប្រើ​តួនាទី​ប្រព្រឹត្ត​អំពើ​ពុករលួយ​ដើម្បី​ប្រមូល​លុយ​យ៉ាង​ពេញបន្ទុក​។

ប្រភព​បាន​ឲ្យ​ដឹង​ទៀតថា ប្រហែល​លោក ងួន កុសល ចំណាយ​ដើមទុន​យ៉ាងច្រើន​ក្នុងការ​ទទួលបាន​តំណែង​ជា​ប្រធានការិយាល័យ​គយ​ច្រកទ្វារ​អន្តរជាតិ​ប៉ោយប៉ែត ទើប​ចាប់ផ្ដើម​ប្រព្រឹត្ត​អំពើពុករលួយ​យ៉ាង​តក់ក្រហល់​ដោយ​គ្មាន​ញញើត​អ្វី​ទាំងអស់​។ ក្នុងនោះ​ឈ្មួញ​ធំៗ​ដែល​រកស៊ី​នាំចូល​ទំនិញ​តាម​ច្រកទ្វារ​អន្តរជាតិ​ប៉ោយប៉ែត ក្រុង​ប៉ោយប៉ែត ខេត្តបន្ទាយមានជ័យ សុទ្ធតែ​ជួប​សម្ដែង​ការគួរសម​ជាមួយ​លោក ងួន កុសល ដើម្បី​ឲ្យ​មុខ​ជំនួញ​របស់​ពួកគេ​ប្រព្រឹត្ត​ទៅដោយ​រលូន​បន្តទៀត​។

មន្ត្រី​ពាក់ព័ន្ធ​នៅ​ច្រកទ្វារ​អន្តរជាតិ​ប៉ោយប៉ែត បាន​ឲ្យ​ដឹងថា ក្រោយពេល​ទទួលបាន​តំណែង​ជា​ប្រធានការិយាល័យ​គយ​ច្រកទ្វារ​អន្តរជាតិ​ប៉ោយប៉ែត ខេត្តបន្ទាយមានជ័យ រួចមក​គឺ​លោក ងួន កុសល កំពុង​យក​មេរៀន​របស់លោក ហ៊ុយ សុជាតិ អតីត​ប្រធានការិយាល័យ​គយ​ច្រក​ប៉ោយប៉ែត មក​អនុវត្តន៍​ដដែល​។

ប្រភព​បាន​ឲ្យ​ដឹង​ទៀតថា បច្ចុប្បន្ន​លោក ងួន កុសល ឃុបឃិត​ឲ្យ​ឈ្មួញ​មួយចំនួន​នាំចូល​ទំនិញគេចពន្ធ ទំនិញ​បង់ពន្ធ​មិន​គ្រប់ និង​ទំនិញ​ខុសច្បាប់​យ៉ាង​រាលដាល ហើយក៏​មានការ​បន្លំ​ប្រភេទ​ទំនិញ​ដើម្បី​ជា​ថ្នូរ​នឹង​ផលប្រយោជន៍​លើ​តុ​ក្រោម​តុ​ផងដែរ​។ ផ្ទុយទៅវិញ​លោក ងួន កុសល និង​បក្ខពួក​ប្រើ​អំណាច​គាបសង្កត់​យ៉ាងខ្លាំង​ទៅលើ​អាជីវករ​និង​ពលរដ្ឋ​ដែល​នាំចូល​ទំនិញ​តាម​រ៉ឺម៉ក តាម​រទេះ ដោយ​ពុំមាន​ការយោគយល់​បន្តិច​ណា​ឡើយ ហេតុនេះហើយ​ទើប​រឿងអាស្រូវ​ពុករលួយ​របស់លោក ងួន កុសល កំពុង​ត្រូវបាន​បើក​កកាយ​ជា​បន្តបន្ទាប់​។

 

ប្រភព​ដែល​ស្និទ្ធ​នឹង​លោក ងួន កុសល បាន​បង្ហើប​ឲ្យ​ដឹងថា ការដែល​លោក ងួន កុសល ហ៊ាន​ប្រើ​តួនាទី​ជា​ប្រធានការិយាល័យ​គយ​ច្រកទ្វារ​អន្តរជាតិ​ប៉ោយប៉ែត ហើយ​ប្រព្រឹត្ត​អំពើពុករលួយ​តាម​រូបមន្ត​របស់លោក ហ៊ុយ សុជាតិ នោះ​គឺ​ដោយសារ​អាង​មាន​ខ្នងបង្អែក​រឹងមាំ​នៅក្នុង​អគ្គនាយកដ្ឋាន​គយ​និង​រដ្ឋាករ​កម្ពុជា​។ ដូច្នេះហើយ​ទើប​មាន​សេចក្ដីអំពាវនាវ​ឲ្យ​លោក អូន ព័ន្ធមុនីរ័ត្ន ដែលជា​រដ្ឋមន្ត្រីក្រសួង​សេដ្ឋកិច្ច​និង​ហិរញ្ញវត្ថុ ក៏ដូចជា​លោក គុណ ញឹម អគ្គនាយក​នៃ​អគ្គនាយកដ្ឋាន​គយ​និង​រដ្ឋាករ​កម្ពុជា ចាត់វិធានការ​ទប់ស្កាត់​អំពើពុករលួយ​របស់លោក ងួន កុសល ខ្លះ​ផង​។

 

មន្ត្រី​គយ​នៅក្នុង​ខេត្តបន្ទាយមានជ័យ បាន​បង្ហើប​ឲ្យ​ដឹង​ទៀតថា ចាប់តាំងពី​ទទួលបាន​តំណែង​ជា​ប្រធានការិយាល័យ​គយ​ច្រកទ្វារ​អន្តរជាតិ​ប៉ោយប៉ែត កាលពី​រសៀល​ថ្ងៃទី​២១ ខែមករា ឆ្នាំ​២០១៩ គឺ​លោក ងួន កុសល ចាប់ផ្ដើម​ប្រើ​តួនាទី​របស់ខ្លួន​ដើម្បី​ប្រមូល​លុយ​តាមរបៀប​ពុករលួយ​ដោយ​គ្មាន​ញញើត​អ្វី​ឡើយ ហើយ​លោក ងួន កុសល តែង​ប្រើប្រាស់​ឈ្មោះ​មន្ត្រី​គយ​ធំៗ​ក្នុង​អគ្គនាយកដ្ឋាន​គយ​និង​រដ្ឋាករ​កម្ពុជា ដើម្បី​ការពារ​ទង្វើ​របស់ខ្លួន​ទៀតផង​៕

som-1

Filed in: ខេត្តបន្ទាយមានជ៍យ, ព័ត៌មានជាតិ, ព័ត៌មានតាមដានសង្គមសំខាន់ៗ, ព័ត៌មានតាមបណ្តា​ខេត្ត-ក្រុង, ព័ត៌មានថ្មី, ព័ត៌មាន​ខ្សឹបខ្សៀវ

Recent Posts

Bookmark and Promote!