Kindle Fire Coupon Kindle Fire Coupon 2012 Kindle DX Coupon 2012 Kindle Fire 2 Coupon Amazon Coupon Codes 2012 Kindle DX Coupon PlayStation Vita Coupon kindle touch coupon amazon coupon code kindle dx coupon kindle touch discount coupon kindle touch coupon 2012 logitech g27 coupon 2012 amazon discount codes
0

ម្ចាស់​សង្វៀន​បញ្ជល់​មាន់​នៅក្នុង​ភូមិដារ មានឈ្មោះ ហេង និង​ឈ្មោះ លឹម មាន​ខ្នងបង្អែករឹងមាំ​ទើបហ៊ានធ្វើអ្វីៗ​ស្រេចតែអំពើចិត្ត

ត្បូងឃ្មុំ ៖ ប្រភពថ្មីៗ​នេះ ប្រជាពលរដ្ឋ​​ព្រួយបារម្ភ​​យ៉ាងខ្លាំង​ ពី​បញ្ហា​​អសន្តិសុខ​​សង្ក​ម ព្រោះ​​អំពើចោរកម្ម​ និង​​បទ​ល្មើស​​ផ្សេងៗ​​រាលដាល​យ៉ាង​គំហុក​​ក្នុង​ឃុំ​ដារ​​ ស្រុក​មេមត់ ប្រជាពលរដ្ឋ​​និង​មន្ត្រីរាជការ​ក្នុង​​ខេត្ត​ត្បូងឃ្មុំ បាន​​កត់សម្គាល់ថា ​ចាប់តាំងពី​លោក ជាម ច័ន្ទ​សោភ័ណ ទទួលបាន​តំណែង​ជា​អភិបាលខេត្ត​ត្បូងឃ្មុំ រួចមក​គឺ​ល្បែងស៊ីសង​ច្រើន​ប្រភេទ​នៅតែ​កើតឡើង​យ៉ាង​រាលដាល​ព្រោះ​លោក ជាម ច័ន្ទ​សោភ័ណ មិន​យកចិត្តទុកដាក់​បង្ក្រាប​ល្បែងស៊ីសង​ដើម្បី​ពង្រឹង​សន្តិសុខ​សង្គម​ឲ្យ​ស្របទៅតាម​គោលនយោបាយ​ភូមិ​-​ឃុំ មាន​សុវត្ថិភាព​ទាំង​៩​ចំណុច​នោះទេ​។ ទន្ទឹមនឹងនេះ​លោក​ឧ​ត្ត​ម​សេនីយ៍​ទោ បែន រ័ត្ន ស្នងការ​នគរបាល​ខេត្ត​ត្បូងឃ្មុំ និង​លោក វ៉ា សារិទ្ធ មេបញ្ជាការ​អាវុធហត្ថ​ខេត្ត​ត្បូងឃ្មុំ ក៏​មិន​យកចិត្តទុកដាក់​បង្ក្រាប​ល្បែងស៊ីសង​ប្រកបដោយ​ប្រសិទ្ធភាព​ដែរ​​។

ប្រភពពី​ប្រជាពលរដ្ឋ​នៅ​ភូមិ​ដារ ឃុំ​ដារ ស្រុក​មេមត់ បាន​ឲ្យ​ដឹងថា សង្វៀន​បញ្ជល់មាន់​ដ៏​ធំ​មួយកន្លែង​បង្កប់​ដោយ​ល្បែង​អាប៉ោង​និង​យូគី​កំពុងដំណើរការ​យ៉ាងរ​លូន​នៅ​ចំណុច​ច្រកដាហើយ​គ្មាន​មន្ត្រី​អាជ្ញាធរ​ឬ​សមត្ថកិច្ច​ពាក់ព័ន្ធ​ណា​ចាត់វិធានការ​បង្ក្រាប​ឡើយ​។

ប្រជាពលរដ្ឋ​បាន​លើកឡើងថា អភិបាលស្រុក​មេមត់ ក៏ដូចជា​អធិការនគរបាល​ស្រុក​មេមត់ បាន​រក្សា​ភាព​ស្ងៀមស្ងាត់​ទុក​ឲ្យ​សង្វៀន​បញ្ជល់មាន់​ក្នុងភូមិ​ដារ ប្រព្រឹត្តទៅ​យ៉ាង​រលូន​ហើយ​ល្បែង​យូគី​និង​អាប៉ោង​ត្រូវបាន​គេ​បើក​លេង​ទ្រង់ទ្រាយ​ធំ​។ សូម្បីតែ​លោក ជាម ច័ន្ទ​សោភ័ណ អភិបាលខេត្ត​ត្បូងឃ្មុំ និង​លោក បែន រ័ត្ន ស្នងការ​នគរបាល​ខេត្ត​ត្បូងឃ្មុំ ក៏​រក្សា​ភាព​ស្ងៀមស្ងាត់​ដែរ ទុក​ឲ្យ​ល្បែងស៊ីសង​ក្បែរ​ច្រក​ដូង​៧​ដើម រាលដាល​កាន់តែ​ខ្លាំងក្លា​ថែមទៀត​។ ប្រភពពី​មន្ត្រី​អាជ្ញាធរ​មូលដ្ឋាន​និង​សមត្ថកិច្ច​ឃុំ​ដារ មួយចំនួន​បាន​បង្ហើប​ឲ្យ​ដឹ​ថា ម្ចាស់​សង្វៀន​បញ្ជល់មាន់​នៅក្នុង​ភូមិ​ដារ មានឈ្មោះ ហេង និង​ឈ្មោះ លឹម ហើយ​ពួកគេ​មាន​ខ្នងបង្អែក​រឹងមាំ​ទើប​ហ៊ាន​ធ្វើ​អ្វីៗ​ស្រេច​តែ​អំពើ​ចិត្ត​។

មជ្ឈដ្ឋាន​ខ្លះ​សង្ស័យថា លោក ហង្ស គឹម​ហឿន អធិការនគរបាល​ស្រុក​មេមត់ និង​លោក​ឧ​ត្ត​ម​សេនីយ៍​ទោ បែន រ័ត្ន ស្នងការ​នគរបាល​ខេត្ត​ត្បូងឃ្មុំ ទំនងជា​ទទួលបាន​ផលប្រយោជន៍​ពី​អ្នកបើក​សង្វៀន​បញ្ជល់មាន់​និង​ល្បែង​អាប៉ោង​យូគី ក្នុងភូមិ​ដារ ឃុំ​ដារ ស្រុក​មេមត់ នោះដែរ​ទើប​មិន​ចាត់​វិធាន​ករ​បង្ក្រាប​ល្បែងស៊ីសង​ខុសច្បាប់​ដើម្បី​ពង្រឹង​សន្តិសុខ​សង្គម​។ ដូច្នេះហើយ​ទើប​ប្រជាពលរដ្ឋ​ក្នុង​ឃុំ​ដារ អំពាវនាវ​យ៉ាងទទូច​ឲ្យ​លោក ជាម ច័ន្ទ​សោភ័ណ អភិបាលខេត្ត​ត្បូងឃ្មុំ និង​នាយ​ឧ​ត្ត​ម​សេនីយ៍ នេ​ត សាវឿន អគ្គស្នងការ​នគរបាល​ជាតិ ចាត់វិធានការ​បង្ក្រាប​ល្បែងស៊ីសង​ក្នុង​មូលដ្ឋាន​ពួកគាត់​ជាបន្ទាន់ ព្រោះ​បច្ចុប្បន្ន​ល្បែងស៊ីសង​រាលដាល​កាន់តែខ្លាំង​។

ប្រជាពលរដ្ឋ​បាន​លើកឡើងថា ចាប់តាំងពី​ល្បែងស៊ីសង​ត្រូវបាន​គេ​បើក​លេង​យ៉ាង​ពេញបន្ទុក​រួចមក គឺ​នៅក្នុង​ឃុំ​ដារ មាន​អំពើចោរកម្ម​កើតឡើង​គួរ​ឲ្យ​ភ័យខ្លាច​ហើយ​បទល្មើស​ផ្សេងៗ​ក៏​កំពុង​រាលដាល​ផងដែរ ព្រោះ​មន្ត្រី​អាជ្ញាធរ​និង​សមត្ថកិច្ច​ក្នុង​ខេត្ត​ត្បូងឃ្មុំ មិន​ចាត់វិធានការ​បង្ក្រាប​ល្បែងស៊ីសង​ឡើយ​យ៉ាងពេញបន្ទុក៕

som01

som02

 

Filed in: ខេត្តត្បូងឃ្មុំ, ព័ត៌មានជាតិ, ព័ត៌មានតាមដានសង្គមសំខាន់ៗ, ព័ត៌មានតាមបណ្តា​ខេត្ត-ក្រុង, ព័ត៌មានថ្មី, ព័ត៌មាន​ខ្សឹបខ្សៀវ

Recent Posts

Bookmark and Promote!